Soyuducunuzun su dispenserinin suya pis dad verməsinin bir neçə səbəbi ola bilər. Aşağıdakılardan birinin bu problemi həll edib-etməyəcəyinə nəzər salın.
Su xəttinə hava buraxın.
Hər dəfə su filteri dəyişdirildikdə və ya ilk dəfə işə salındıqda su dispenserinin su xəttində sıxılmış hava çıxarılmalıdır.
Su dispenserinin altına böyük bir qab qoyun və qolu 5 saniyəlik aralıqlarla sıxıb buraxın. Su axanadək davam edin. Su axmağa başladıqdan sonra dispenser qolunu ümumilikdə 15 litr su axanadək sıxıb buraxmağa davam edin. Bu su dispenseri sistemdən və filterdən havanı təmizləyərək içmək üçün təmiz və təravətli suyun gəlməsini təmin edəcək.
Hava filterini mütəmadi olaraq dəyişin.
Su təchizatı ilə təmin olunmuş soyuducularda zamanla dəyişilə bilən su filterlərindən istifadə olunur. Cihazınızda filter dəyişdirmə göstəricisi varsa onu yoxlayın və ya dəyişməyə ehtiyac olduğuna baxmaq üçün istifadəçi təlimatınıza nəzər salın. İstifadəçi kitabçanızı tapmaqda çətnlik çəkirsinizsə, məhsulunuzun model nömrəsindən istifadə edərək buradan endirə bilərsiniz.
Su qabını təmizləyin
Soyuducunuzun su dispenseri su təchizatı ilə təmin olunmayıbsa, su qabını mütəmadi olaraq təmizləmək yaxşı olardı. Su qabını təmizləmək üçün təmiz və isti sudan istifadə edin.
Su təchizatınızın təzə olduğundan əmin olun.
Soyuducunuzda saxlanılan su zamanla köhnələcək. Bu səbəbdən su təchizatı ilə təmin olunmayan soyuducuların su qablarını yenidən doldurmağa ehtiyac var. Su qabını yeniləmək üçün su dispenserinin qolunun əksinə fincanı sıxaraq aktivləşdirin. Qabı boşaldın və yenidən doldurun.
