Hər soyuducu eyni qaydada işləmir. Daha böyük cihazların daha uzun müddət işləməsi lazım olduğunu unutmayın. Cihazınızın çox tez-tez və ya çox uzun müddət işlədiyini düşünürsünüzsə, aşağıdakılardan birinin bu problemin səbəbi olub-olmadığını yoxlayın.
Otağın temperaturunu yoxlayın
Otaq temperaturu çox yüksək olarsa, soyuducunuzun daha uzun müddət işləməsi lazım ola bilər. Soyuducunun radiatorlar, qaz sobası və ya soba kimi istilik mənbəyinin yanında yerləşmədiyindən əmin olun. Bu vəziyyətdə soyuducunu başqa yerə yerləşdirin.
Qapını çox tez-tez açmaqdan və uzun müddət açıq saxlamaqdan çəkinin
Daxili temperaturu sabit saxlamaq üçün cihazın qapısını çox tez-tez açmayın və ya çox uzun müddət açıq tutmayın. Yeməyin və ya digər əşyaların qapıların bağlanmasına mane olmadığından əmin olun.
Yeni quraşdırılmış və ya içi doldurulmuş cihaz
Cihazınız yeni quraşdırıldığı və ya içi doldurulduğu zaman müvafiq temperatura çatmaq üçün daha çox vaxt tələb olunacaq. Bu normal haldır.
Cihazın içinə isti yemək qoymaqdan çəkinin
Soyuducunuz isti yeməklə yükləndikdə daxili istiliyi sabitləşdirmək üçün daha çox vaxt tələb olunacaq. Soyuducuya qoymazdan əvvəl yeməyin soyumasını gözləyin.
Qapı rezinlərində boşluqlar, çatlar və ya qırılmalar olub-olmadığını yoxlayın
Cihazınızın içindəki soyuq havanın xarici temperaturdan düzgün şəkildə təcrid olunması lazımdır. Cihazınızın içərisində olan soyuq hava, xarici hava temperaturundan düzgün şəkildə təcrid edilməlidir. Qapı rezinlərini yoxlayaraq dolab ilə onların arasında boşluqların olub-olmadığına baxın.
Qapılar tam şəkildə bağlanmırsa, rezini yumşaq bez və ya süngər və isti su ilə təmizləməyə çalışın. Rezinlərə zərər verə biləcəyi üçün aşındırıcı təmizləyici vasitələrdən istifadə etməyin. Rezin boşalmış və ya çatlamışsa, onu təmir etmək və ya tamamilə dəyişdirmək lazımdır. Bu vəziyyətdən şübhələnirsinizsə, səlahiyyətli xidmət şirkətinə müraciət edin.
İstilik parametrlərini yoxlayın
Soyuducu tələb olunduğundan daha aşağı temperatura təyin olunmuş ola bilər. Tövsiyə olunan temperatur soyuducu üçün 4 °C - 5 °C, dondurucu kamera üçün - 18 °C təşkil edir. Parametrləri yoxlayın və lazım olduqda, onları tənzimləyin.
Donduruculuq qabiliyyətini yoxlayın
Dondurucu bölmənin donduruculuq qabiliyyətini yoxlayın. Daxili divarlarda buz təbəqəsi varsa, cihazınız ideal temperaturu əldə etmək və ya saxlamaq üçün tələb olunan vaxtdan daha çox işləyə bilər. Bu halda dondurucu bölməni əl ilə buzdan təmizləməlisiniz.
Dondurucunuzun buzdan təmizlənməsi ilə bağlı daha ətraflı məlumat üçün istifadəçi təlimatınıza nəzər salın. İstifadəçi kitabçanızı tapmaqda çətnlik çəkirsinizsə, məhsulunuzun model nömrəsindən istifadə edərək buradan endirə bilərsiniz.
3 Zone No Frost və NeoFrost™ Dual Soyutma Texnologiyası olan Beko soyuducu dondurucuları buzun yığılmasının qarşısını alır, belə ki buzları əl ilə əritməyə ehtiyac qalmır. Avtomatik dondurma funksiyası istifadə edildikdə cihazınızın daha uzun müddət işləyə biləcəyini unutmayın.
Sürətli dondurmanın aktiv olub-olmadığına baxın
Beko soyuducu donduruculardakı Sürətli Dondurma funksiyası sürətli dondurma və daha sürətli buz hazırlamağa imkan verir. Sürətli Dondurma aktivləşdirildikdə soyuducunuzun daha uzun müddət işləməsi normaldır. Ləğv etməsəniz, Sürətli Dondurma 8 saatdan sonra, və ya dondurucu bölmə tələb olunan temperatura çatdıqda avtomatik olaraq ləğv edəcəkdir.
