Bütün tərəvəzlər və meyvələr soyuducuda eyni vaxtda təzə qalmır. Sarımsaq, kartof və soğan kimi bəzi məhsullar hətta soyuducuda saxlanmamalıdır. Məhsulunuzun soyuducuda daha uzun müddət dayanmasını istəyirsinizsə, aşağıdakı məsləhətləri təcrübədən keçirin.
İstilik parametrlərini yoxlayın
Soyuducu tələb olunduğundan daha aşağı temperatura təyin olunmuş ola bilər. Tövsiyə olunan temperatur 4 °C ilə 5 °C arasındadır.
Ərzaqları düzgün saxlayın
Maye və ya tərkibində maye olan qida içəridə nəm əmələ gəlməsinə səbəb ola bilər. Ayrıca, kahı və meyvə kimi qidalar soyuduqca cihazın içərisinə nəm buraxır. Nəm yeməyin xarab olmasının bir nömrəli səbəbidir. Bunun qarşısını almaq üçün bu tərəvəzləri kağız dəsmallara bükün və qidaları daima plyonkalanmış, soyuducu və nəmə davamlı qutu və ya qablarda saxlayın.
Meyvə-tərəvəz bölməsindəki rütubət havalandırıcı dəliklərini nizama salın
Soyuducunun meyvə-tərəvəz bölməsi rütubəti qoruyaraq məhsullarınızı təzə tutmaq üçün hazırlanıb. Əksər meyvə-tərəvəz bölmələrinin müxtəlif növ məhsulları daha yaxşı qorumaq üçün tənzimlənən havalandırıcıları var.
Tez xarab ola bilən tərəvəzlər daha nəmli mühitlərdə saxlanılmalıdır ki, bu da havalandırma dəliklərini bağlayaraq əldə edilə bilər.
Əksər meyvələr daha quru mühitlərdə daha uzun müddət qalır, buna görə də açıq havalandırma dəlikləri olan daha az rütubətli bölmələrdə saxlanılmalıdır.
Saxladığınız şey üçün ideal nəm dövriyyəsi səviyyəsinə çatmaq üçün havalandırma dəliklərini tənzimləyin.
Nəm məhsulların saxlanılmasından çəkinin
Nəmli mühitlərdə bakteriyalar daha asan və daha sürətli böyüyür. Meyvə və tərəvəzləri istifadə etməzdən əvvəl yuyun. Əgər artıq yuyulubsa, soyuducuda saxlamazdan əvvəl qurulayın.
Müxtəlif növ ərzaqları ayrı halda saxlayın
Yetişmiş və ya həddindən artıq əzilmiş məhsulu digər məhsulların yanında yerləşdirmək onların xarab olmasına səbəb ola bilər. Fərqli yerlərdə müxtəlif növ məhsullar saxlamağa çalışın. Meyvə və tərəvəzləri ayrı saxlamaq daha faydalıdır.
