Buzlanma və ya buz kristallarının əmələ gəlməsi, xüsusən də, dondurulan qidalar üçün normaldır. Bunun səbəbi qidanın, yaxud soyuducunun dondurucu kamerasının daxilində nəmliyin olmasıdır. aşağıdakılardan birinin bu problemi həll edib-etməyəcəyinə nəzər salın.
Qidanı düzgün şəkildə saxlamaq
Dondurucu kameraya yerləşdirilən qida məhsulu adətən cihazın daxili temperaturundan daha istidir. Qida soyuduqca kondensasiya nəticəsində buzlanma və ya üzərində buz kristallarının əmələ gəlməsini müşahidə etmək normal haldır. Bunun qarşısını almaq üçün qidanı qapağı möhkəm bərkidilmiş, donmaya qarşı dözümlü və nəm keçirməyən qablarda saxladığınıza, yaxud qida plyonkası ilə bürüdüyünüzə əmin olun.
Qapını tez-tez açıb-bağlamaq, yaxud uzun müddət açıq saxlamaq olmaz.
Dondurucu kameranının qapısını tez-tez açıb-bağladıqda, yaxud möhkəm bağlamadıqda, xaricdən daha isti hava cihazın içinə daxil ola bilər. İsti hava soyuq temperaturlu hava ilə təmasda nəmə çevrilir və buzlanma və qida üzərində buz kristallarının əmələ gəlməsi ilə nəticələnir.
Bunun qarşısını almaq üçün qapını geniş açmaq və uzun müddət açıq saxlamaq olmaz. Qida və digər əşyaların qapının tam bağlanmasına mane olmadığından əmin olun.
Qapı rezinində boşluqlar, çatlar, və ya qırılmalar olub-olmadığını yoxlayın
Bundan əlavə, qapı rezinlərini yoxlayaraq dolab ilə onların arasında boşluqların olub-olmadığına baxın. Hər hansı bir şey tapsanız, barmaqlarınızla ehtiyatla qapıdan çəkərək qapı rezinini tənzimləyin.
Qapılar düzgün şəkildə bağlanmırsa, rezini yumşaq bez və ya süngər və isti su ilə təmizləməyə çalışın. Rezinlərə zərər verə biləcəyi üçün aşındırıcı təmizləyici məhsullar istifadə etməyin. Rezin boşalmış və ya çatlamışsa, onu təmir etmək və ya tamamilə dəyişdirmək lazımdır. Bu vəziyyətdən şübhələnirsinizsə, səlahiyyətli xidmət şirkətinə müraciət edin.
