Рерната е прилично издржлив уред кој треба да трае многу подолго од една деценија, но доброто одржување е клучно за нејзиното оптимално искоритување. Златното правило е да ја одржувате рерната чиста, но овој напис ќе открие уште неколку практични совети за оптимална нега на рерната.

01.

Чувајте ја рерната чиста

Чистата рерна е среќна рерна, но да бидеме реални, чистењето е една од најомразените домашни работи. Обидете се веднаш да ја избришете истурената храна, односно штом рерната се олади доволно! Ако дозволите остатоците на храна да се акумулираат со текот на времето, ефикасноста ќе се намали и може да се појави чад.

02.

Исчистете со соодветни средства 

Секогаш користете сунѓер и средство за чистење рерна кое што е препорано за вашата марка на апарати - силни хемикалии и абразиви може да ја оштетат облогата. Ако треба да ги отстраните тврдоглавите дамки од храната или маснотиите со гребење, користете стругалка од пластика, а не од метал, за да не ја оштетите внатрешната обвивка на рерната.

03.

Умерено користете пиролитичко самочистење 

Иако пиролитичкото самочистење е пригодна функција што во голема мера го олеснува чистењето на рерната, таа работи на принцип на загревање на внатрешноста на рерната на екстремно висока температура со цел остатоците од храната да се претворат во пепел. Сепак, тоа многу ја оптоварува рерната и нејзините грејачи, па обидете се да ја одржувате чистата рерна чистејќи ја рачно секогаш кога можете.

04.

Грижете се за заптивката на вратата

Ако забележите дека заптивката околу вратата на рерната е распукана или искината, заменете ја. Оштетената заптивка на вратата овозможува распрснување на топлината, така што рерната мора да работи понапорно за да ја одржи поставената температура. 

05.

Не ставајте фолија во рерна 

Не ставајте фолија на дното од рерната за да соберете истурена храна и маснотии. Сребрената површина на фолијата ја рефлектира топлината, што се меша со ширењето на топлината низ рерната. Фолијата исто така може да пречи во работата на вентилаторот на рерната.

И тоа е тоа! Вашата рерна е навистина многу лесна за одржување. Потребно е само да ја негувате со малку внимание и таа ќе ви возврати со поддршка за вашите кулинарски ремек-дела во следните години.