Прва работа на која треба да обрнете внимание при купување на нова машина за перење на алишта, е капацитетот на нејзиниот барабан. Кога ќе помине првобитната возбуда поради купувањето на нов апарат за домаќинство, перењето на алишта станува рутина, која се состои од ставање на алиштата во машина, кога корпата за валкани алишта е полна, одбирање на програма за памук и стартување на програмата.
За подобар резултат на перење, потребно е да знаете како и колку се полни машината за перење на алишта. Тоа не значи дека треба да ги мерите алиштата пред секое перење, но количината на алишта во машината во голема мера влијае на резултатот на перење.
Кога ќе ја преполните машината,се намалува ефикасноста на чистење и се зголемува потрошувачката на електрична енергија, додека пак, премалата количина на алишта претставува неефикасен начин на користење на истата.
Обрнете внимание на големината на барабанот
Капацитетите на барабанот (изразени во kg) се делумно корисен показател за количината на алишта која може да се стави во машината за перење, а оваа обврска е доволно обврзувачка сама по себе, и без користење на вага! Табелата во продолжение содржи приближни информации за количина на алишта кои можат да се стават во машини со различни капацитети, кога е избрана стандардна програма за памук.
Барабан од 6 kg
5x мали пешкири
6x маици
2x фармерки/панталони
10x парчиња долна облека/пара чорапи
2x чаршафи
2x навлаки за перници
или
1 јорган
Барабан од 7 kg
5x мали пешкири
10x маици
4x фармерки/панталони
20x парчиња долна облека/пара чорапи
2x чаршафи
2x навлаки за перници
или
дупли јорган
Барабан од 9 kg
6x мали пешкири
12x маици
5x фармерки/панталони
22x парчиња долна облека/пара чорапи
2x чаршафи
2x навлаки за перници
или
јорган за среден француски лежај
Барабан од 12 kg
8x мали пешкири
15x маици
5x фармерки/панталони
30x парчиња долна облека/пара чорапи
2x чаршафи
2x навлаки за перници
или
тежок јорган за француски лежај
Секако, ова е само водич, па бидете внимателни при комбинирање на алишта од погорната листа.Златно правило е кога ќе изберете стандардна програма за памук,барабанот треба да го наполните околу 80%,така да алиштата не бидат стегнати.
Не се сите ткаенини исти
Ако користите соодветна програма за определени ткаенини, како на пример програма за чувствителна облека, или облека за активности на отворено, оптималната количина на алишта нема да биде иста. Најдобар совет кој можеме да Ви го дадеме е да проверите во упатството за употреба на машината за перење на алишта која количина на алишта може да стави кога е избрана ваква програма.
Ако имате Beko машина за перење алишта, упатството за употреба можете да го преземете тука според бројот на производот. И уште една работа. Во машината за перење алишта не ставајте алишта од кои се цеди вода. Водените алишта се потешки, па нема да можете да се потприте на горенаведените проценки.
Не се работи за којзнае колку прецизна проценка,но дадените насоки се добра појдовна точка, кога е во прашање стандардната програма за памук.
